Keshille madheshtore

Ibrahijm Ibn Ed'hem kaloi nga tregu i Basras dhe u mblodhën njerëzit rreth tij dhe i thanë: 

"O Ebu Is'hak, si është puna me ne që lutemi dhe nuk na pranohet lutja?"

Ai tha: "Sepse në zemrat tuaja kanë vdekur dhjetë gjëra."

I thanë: "Cilat janë ato?"

Ai tha: 

"Ju e njohët All-llahun porse nuk ia dhatë hakun e Tij.

 Pretenduat se e doni të Dërguarin e All-llahut Sal-lAll-llahu alejhi ue sel-lem, porse e braktisët sunetin e tij.

 E lexuat Kur'anin porse nuk punuat me të.

 U ushqyet me mirësinë e All-llahut porse nuk u treguat falenderues për të.

 Thatë se shejtani është armiku juaj porse ju e pasuat atë.

 Thatë që Xheneti është i vërtetë porse nuk punuat për të.

 Thatë që Zjarri është i vërtetë porse nuk ikët prej tij.

 Thatë që vdekja është e vërtetë porse nuk u përgatitët për të.

 U zgjuat nga gjumi dhe u angazhuat me të metat e të tjerëve porse i harruat të metat tuaja.

 I varrosët të vdekurit tuaj por nuk morët këshillë prej tyre."

Burimi: جامع البيان العلم و فضله ٢/١٢٢

Përktheu: Xhafer Kastrati