A shihen shejtanët || Shejh Rabia bin Hadi El-Medkhali

Pyetje:

(Ajeti):"Vërtet që ai dhe fisi i tij ju shohin ju andej nga ju nuk i shihni dot ata", a hyn këtu moshikimi i tyre në mënyrë absolute, apo mundet për disa njerëz ti shikojnë shejtanët nganjëherë?

Përgjigja:

🔹️Po, kjo ka ndodhur, siç ka ardhur në hadith, ndodhia e Ebu Hurejrës me shejtanin, gjithashtu i Dërguari ﷺ e pa atë ndërkohë që ishte duke u falur, dhe unë Uallahi e kam parë vetë, kam parë shejtana, kam parë një kalë, skam parë si ai asnjëherë në jetën time, e kam parë këtë unë dhe vllai im natën, ishim në udhëtim, pamë këtë kalë të çuditshëm e të habitshëm në një vend që skishte kullotë dhe skishte aty asnjë prej njerëzve. Unë e kuptova që ai ishte shejtan, dhe vllai im gjithashtu e kuptoi se ishte shejtan, porse nuk deshi që të më frikësoi dhe unë sdesha ta frikësoj, kur u larguam nga ai vend, nuk e di a më pyeti ai mua apo e pyeta unë, çfarë ishte ai? 

Mendoj se ai tha: ky ishte gul, domethënë shejtan.

🔹️E pashë unë ndërkohë që isha në makinë mes akshamit dhe jacisë, domethënë ky person (shejtan) ishte i zhveshur dhe në kokë skishte asnjë flokë dhe as nuk ishte i rruajtur, pamje e tij ishte e çuditshme, midis duarve të tij kishte dy fëmijë me koka të mëdha dhe skishin asnjë qime e ishin të dobët, këmbët i kishin të vogla dhe pamja e tyre ishte shumë e çuditshme, i pamë ata pra unë dhe një bashkë me mua, ai i njohti që ata janë shejtana dhe unë gjithashtu, e ndërkohë që ikëm, thashë: çfarë ishte ky?

Tha: shejtana! dhe unë thashë: ata ashtu ishin.

Shumica e njerëzve mund ti shohin shejtanët porse në shumicën e rasteve nuk shfaqen.

🔹️Porse tani ka njerëz që kanë marrë nga Muhamed Abduh, nxënësin e Afganit, e mohojnë magjinë dhe e mohojnë shikimin e xhinëve, e këtë bazë e kanë marrë nga Muatezilit El-Aklanijinët, të cilët gjykojnë me mendjet e tyre në fe dhe në jetë, e është për të ardhur keq, pra nuk ka ndonjë ndalesë që ata mund të shihen ndonjëherë dhe unë ju siguroj juve se i kam parë vetë këto gjëra.

🔹️Thotë pyetësi: gjithashtu e mohojnë që shejtani hyn në trupin e njeriut!

Shejhu: kjo është diçka e prekshme, e njohur dhe e ardhur brez mbas brezi që nga kohërat e vjetra dhe në kohët e sotme, Allahu i Lartësuar thotë:

 كَمَا یَقُومُ ٱلَّذِی یَتَخَبَّطُهُ ٱلشَّیۡطَـٰنُ مِنَ ٱلۡمَسِّ

"Si ai që shejtani e ka çmendur me prekjen e tij"

dhe thotë i Lartësuari:

قُلۡ أَعُوذُ بِرَبِّ ٱلنَّاسِ ۝ مَلِكِ ٱلنَّاسِ ۝ إِلَـٰهِ ٱلنَّاسِ ۝ مِن شَرِّ ٱلۡوَسۡوَاسِ ٱلۡخَنَّاسِ ۝ ٱلَّذِی یُوَسۡوِسُ فِی صُدُورِ ٱلنَّاسِ)

"Thuaj kërkoj mbështetje te Zoti i njerëzve. Sundimtari i njerëzve. I Adhuruari (i vetëm me të drejtë) i njerëzve. Nga sherri i shejtanit cytës që fshihet (pasi cyt). E që hedh dyshime në gjokset e njerëzve".

🔹️Çfarë e bën atë të hedhi cytje në gjoksin tënd? A nuk është nga mundësia që ka ai për ty, për të hyrë në trupin tënd?! "Shejtani lëviz në (trupin e) birit të Ademit nëpërmjet gjakut të tij" (hadith i saktë).

Të gjithë ata i refuzojnë këto ajete dhë këto hadithe dhe gjykojnë me mendjet e tyre.

🔹️Për çdo rregull ka përjashtim, për çdo përgjithësim ka veçanti, ka thënë i Lartësuari:

تُدَمِّرُ كُلَّ شَیۡءِۭ بِأَمۡرِ رَبِّهَا 

"që, me urdhrin e Zotit të saj shkatërron çdo gjë,

 فَأَصۡبَحُوا۟ لَا یُرَىٰۤ إِلَّا مَسَـٰكِنُهُمۡ

"E në mëngjes u panë vetëm shtëpitë e tyre të zbrazëta".

Shtëpitë e tyre nuk u shkatërruan, dhe sikur të dëshironte Allahu do ti shkatërronte shtëpitë dhe do të shkatarronte çdo gjë, Allahu Azze ue Xhel i ka dhënë fuqi aq sa mund të shkatarrojë malet e jo më shtëpitë, porse deshi Allahu që shkatarrimi të bëhej për ata kriminela dhe të shpëtonin shtëpitë.

🔹️Kështu është kur thotë:

 إِنَّهُۥ یَرَاكُمۡ هُوَ وَقَبِیلُهُۥ مِنۡ حَیۡثُ لَا تَرَوۡنَهُمۡ

"(Ajeti):"Vërtet që ai dhe fisi i tij ju shohin ju andej nga ju nuk i shihni dot ata" 

domethënë Sunneti e ka sqaruar se mund të shikohen shejtanët, Ebu Hurejrah e pa, gjithashtu i Dërguari ﷺ e pa, përmenden histori të shumta në lidhjen me të pamurit e tyre, ata mund të marrin formën e njeriut, ose pamjen e një kafshe ose pamjen e gjarprit, një prej sahabëve ishte dhëndërr, ishte duke shkuar me të Dërguarin ﷺ, për të marrë pjesë në luftën e Ahzabit, pastaj mori leje që ditën të kthehej tek familja e tij, e një ditë prej ditëve u kthye dhe gjeti gruan e tij tek dera duke qëndruar, e rrëmbeu xhelozia dhe deshi ti gjuante asaj me shtizë, dhe ajo tha: mos u nxito, futu në shtëpi dhe shiko çfarë ka mbi krevatin tënd, e ai u fut dhe gjeti një gjarpër, e goditi me shtizë, e ajo ju kthye atij, dhe nuk dihet a ajo vdiq përpara, apo vdiq ai, e (më pas) u bë me dije i Dërguari i Allahut ﷺ dhe tha: "A nuk ju kam ndaluar",

sqaroi Profeti ﷺ se në Medine kishte xhin, e kjo mori formën e gjarprit, e ka që marrin pamjen e qenit, ka që marrin pamjen e njeriut, ja ka dhënë Allahu dhe ja ka mundësuar për këtë, që të marri çfarëdo lloj pamje, disa u dalin sufive dhe përrallaxhinjve, pra (sufitë) kërkojnë ndihmë prej filani (jo prezent) dhe ju vijnë (shejtanat) në pamjen e tij (që kërkuan ndihmë), me çallmë, me veshje të bardha të bukura, dhe i japin atë që kërkojn, e ndërkohë që ai është shejtan.

📚 فتاوى في العقيدة والمنهج الحلقة الأولى

Përktheu: O.Beja